Bulalakaw

Talaksan ng damdaming nataghoy,

Titig sa kalangitan nang ako’y --

Napangisi, loob ay napukaw,

Tugon, kelan nga ba bulalakaw?

Pagod ni hindi inalintana

Sapagkat panalangi’y handa na

Siglang walang humpay, nakasaad

Sayang linagnag sayo’y bubungad.

  

Mahalagang ganap, ‘yong pagdating

‘Pagkat linaw ‘yong kinawing-kawing

Mapanglaw na gabi ay napawi

‘Sang daan, sulirani’y nagapi.

Tukatok nang bahagyang pumikit

Muling dumilat, ika’y nawaglit

Nakaligtaan, o bulalakaw..

Maging ika’y nalakbay’t napanaw.